دقوا الطبول حتى عودة حامل اللواء

خبر هام و عاجل حدد موري حامل لواء الدولة معاد عودته الى دولتنا الحبيبة بعد اداء مناسك العمرة التي استمرت شهر و ايضا بعد تدعيم العلاقات العصباوية السعودية ولكن لن نقول لكم على معاد عودته لاجراءات امنية نظرا لتوتر العلاقات العصباوية معا احدا الدول المعادية لها

و لكن جهزوا اهازيج عودة البطل..... الاحتفال في غضون ايام قليلة

بادر بحجز تيشرت العصبة من الأن

الأن و لفترة محدودة تيشرت العصبة جميع المقاسات سعر التيشرت ثابت سعر الشحن ثابت اينما كنت سعر التيشرت 55 جنية للإتصال:0127006025

الاهلي = المنتخب ... كدة يجيلك تخمة يا اهلى من اللعيبة سيب حاجة لخواتك

طبعا كلنا عارفين ان احمد حسن مضى خلاص للاهلي و بكدة يا جماعة الاهلي بقى عندة اكتر من نص التشكيلة الاساسية للمنتخب

متعب و تريكة و بركات و فتحي و احد حسسن و شادي محمد

طيب هل الاهلي محتاج لاحمد حسن؟

احمد حسن يا جماعة عندو 33 سنة او اكتر تقربا ...خط نوص الاهلي مليان لعيبة كويسين و دة احسن خط نوص في رأي في افريقيا طيب لية احمد حسن الي هوا تقربا هيبقى اكبر لعيب في الفريق؟!؟!؟ طيب ما فية عندو اينو و تريكة و فتحي و بركات و حسام عشور و بوجلبان كلها اعتقد اسماء تغني عن احمد حسن

طيب ازمالك في اشد الحاجة للاعب يكون قائد في خط النص لأن كل الي في خط نوص الزمالك سنهم ميتعداش ال 22 سنة معدا ابو العلا تقريبا و احنا عندنا نقص في خط النوص و محتجين لاحمد حسن لأن اللعيبة كويسة جدا بس لسة صوغيرين عايزين قائد جمبهم في ظل اصبة علاء عبد الغني و مشاكل تامر عبد الحميد و ابو العلا مش هيقدر يعمل كل دة لوحدة

بـــــــــــــــــــــــــــــــــــس احمد حـــــــــــسن في الاهلي رسميا

مبروك للاهلي الصفقة السوبر دي و يا رب يوفق كابتن مصر احمد حسن مع الاهلي بس انا معتقدش ان دة هيحصل في ظل المنافسة الشديدة في مركز احمد حسن في الاهلي اعتقد ان الدكة مستنياك يا حمداة بس احنا كلنا بنتمنالو التوفيق

مهما حاولو يا زمالك ان يمنعو الملك الابيض من العودة لسابق عهدة ...سيفشلون... لأننا جمهور يأتي بالانتصار و لا يأتي معا الانتصار

تهيس معا الكرة المصرية

طبعا احنا كلنا عارفين الجرايد بتاعتنا ومواقع النت العجيبة اللي بتجيب اخبار مش عارف منين بالظبطفجت في دماغي بعض المانشتات الخيالية اللي هنقراها في الصحف بتاعتنا من عينة القمة والهدفوالفرسان وصوت الامة والكلام الفاضي دةواهي البشاير بدأت بخبر تلقي الحضري عرضا من الارسنال احنا طبعا نتمنى الخير لكل اللعيبة ونتمناهم يحترفو في اكبر الاندية بس احنا عايزين المصداقيةمش اكترلو فاكرين في بطولة 2006 نفس الكلام دة اتقال ومحدش طلع برة النادي بتاعهغير يمكن عمرو زكي استعجل وراح روسيا ورجع بعد شهرلكن غير كدة مفيش===========================================والأن مع المانشتات:-- حسنى عبدربه"سألعب بجانب ميسى وأضع ديكو احتياطيا"- عمرو ذكى فى ريال مدريد من الموسم المقبل واللاعب يصرح:سأهز شباك المنافسين هزا وبلا رحمة- ابوتريكه ينافس كاكا فى حجز مكان فى خط وسط ميلانكاكا يصرح تريكه لاعب كبير لكن ساحاول الفوز عليه و كل المناسفه لمصلحه الفريقالمدرب انشلوتى تريكه لاعب من طراز فريد و ظننت انه من اصول برازيلي- ادريانو يصرح من ساوباولو اتمنى اللعب بجانب متعب و فلافيو و مستعد للجلوس على دكه الاحتياطى- عماد متعب نتيجة لعدم توفيقي جائني عرضا من اليوفنتوس فقطكلاوديو رانييري مدرب اليوفنتوس في تصريح لوكالة الانباء الموزمبيقية: للاسف لم نستطع تحمل المقابل المادي الكبير المطلوب في عماد متعب .واللاعب يصرح فضلت الأهلي على اليوفنتوس لانه نادي القرن وثالث العالم- نتيجه للفضيحة امام الفراعنة دروجبا يقرر اعتزال اللعب و البحث عن سبب اكتساح الفراعنة لهم- كولو توريه: يراودنى عمرو زكى فى احلامى واتلقى علاج نفسى- مورينهو " وائل جمعه من طراز عالمى و يجب عليه ان يترك افريقيا و يتجه لاوربا لتحقيق مستقبله- جوزيه مورنيهو يطلب مقابلة ابوتريكة بعد المباراة وابوتريكة يرفض لانه مشغول بالصلاة- ابو تريكه يصرح" رفضت ان اسلم على مورينهو لانى كنت على وضوء"- فى تصريح خاص لمجله المصور ابو تريكه يقول "الاهلى هوه بيتى الاول و الاخير ولن اذهب لبرشلونه"- طارق السيد برغم عدم مشاركتي مع المنتخب ولكن العروض تنهال عليا واخرها ليفربول الانجليزيوعباس يرد طارق ليس للبيع بأقل من 65 مليون استرليني- أحمد شعبان المظلوم الوحيد في المنتخب جائه عرض من اولمبياكوس اليوناني ليحل مكان العجوز ريفالدو- فى تصريح خاص لفيل جول بالرغم من عدم مشاركتى للاصابه ميدو هداف البطولة- بعد البطوله مباشره حسن شحاته رفضت عرضا لتدريب المنتخب البرازيلى بسبب رفضهم لتحجيب البرازيليات وبسبب عدم صلاحية لعب ابوتريكة في البرازيل بعد ان لعب لمصر- عرض احتراف اماراتي لسمير زاهر لرئاسة الاتحاد الاماراتي بعد انجازاته الكبيرة- حسنى مبارك يكرر لاعبى مصر ليس للاحتكار ولن نبيع ابو تريكه لغزه حتى و لو بسبعتاشر الف جنييييه- فى تصريح خاص لمجله الاهلى حسنى عبدربه تمنيت اللعب فى الاهلى لكن الان انتظر رقم 8 فى ليفربولوليفربول يوافق على مبادلة جيرارد بعبدربه مع الاسماعيليوجيرارد يرفض الاسماعيلى و يقرر الاعتزال و عبدربه يرئف بحاله و يذهب لريال مدريد على مضض- توتي انضمام ابوتريكة الى روما مكسب كبير للكرة الايطالية وسوف اتعلم الكثير على يديه واتمنى اللعب بجواره ولامشاكل من الجلوس احتياطيا لهسباليتي مدرب روما يصرح الطريق مفتوح امامنا للتربع على عرش الكرة العالمي بعد انضمام ابوتريكة اليناتريكة روما يرد: سافعل مافى وسعى للتغلب على مدافعى الكره الايطاليةانشلوتى فى تحدى لسباليتى بعد ان رفض ابوتريكة الانضمام الى الميلان: تريكه خطير لكنه ليس افضل من كاكاكاكا يعترف تريكه افضل منى واتمنى ان اصبح مثله فانى اشاهده فى الاهلى منذ سنين- مرتضى منصور يصرح انا السبب فى فوز المنتخب بالبطوله و كنت ادعهم من وراء القضبان- جوزيه مورينهو: انا على استعداد تام لقبول عرض الزمالك المصري المقدم الي بعد ان علمت ان البلدوزر عمرو زكي يلعب هناك ولانه شرف كبير لي ان ادرب هذا النادي العريق وقد رفضت كل العروض الاخرى في سبيل ان ادرب عمرو زكي- المليادرير المصرى نجيب ساويرس يصرح سأسمى شركه المحمول القادمه باسم المعجزة الحضرى Egy 7adary- ابو تريكه فى تصريح عاجل لهيئة الامر بالمعروف والنهي عن المنكر: لن العب لتشيلسى طالما افرام جرانت موجود وطالما ابراهيموفتش مالك النادي- هانى سعيد يصرح مسرور بعرض تشيلسى لكن يجب التفكير قبل ترك الاسماعيلى مكانى فيه كقائد مهم- فى تصريح خاص لوكاله الهرم و الجيزه والعجوزة محمد ابو سريع نجم المنتخب الزيمباوى القادم لجمهور الاهلي : ساأخد مكان ابوتريكه سريعا ولن تشعروا بالفرق- فى تصريح سرى من مصدر مجهول فى النادى الاهلى: ابو تريكه يتلقى تهديد بالقتل فى حاله الموافقه على عرض الريالواللاعب يبكي: الرحمه لاننى تحت رحمه الاهلي- تعيين حراسة امنية مشددة من الKGB على ابوتريكة بعد ان جائته تهديدات بالقتل من الموساد الاسرائيلي بعد حركة التيشيرت

مبروك يا اهلي و لكن..... !!!

الف مبروك للاهلى الفوز العجيب على الزمالك

انا حوكشة بعد يومين من الماتش و لما اعصابي هديت كتبت

كونت انا و بيباري في الاستاد طبعا في مدرجاتنا البيضة الزمالكويةو انا اشتغلت في الدخلة لحد ما كل حتة في جسمي جالها اصابة

في تفاصيل مش هاحكيها علشان مطولش عليكو من بهدلة وخناقات مع الامن و خناقات مع الاهلوية و خناقات جوة الاستاد و الحالة النفسية و حاجت كتير الحمد لله انها عدت

في تحية تقدير و احترام و اعجاب احب اوصلها لصحبي و اخويا بيباري" راجل يابني و زملكاوي اكتر من اي حد والرجالة بتبان في الشدة و متزعلش يلا ربنا كبير" بيباري يا جماعة كانت حالتة صعبة جدن بعد المتش و اعد يعيط و الع الجاكيت و مشي وسط جمهور الاهلي بتيشيرت الرابطة و اي حد كان بيشتم في الزمالك و لا شيكا كان بيرد ..بيباري اليوم دة كان هوليجانز يا جماعة

و احب اقتبس من الاعلامي الزماكاوي الكبير عمرو اديب مقولتة بعد الماتش " لو كنت يا اهلاوي ترضي على نفسك و تفرح علشان مكسب حرام و غير مستحق و على حساب فرقة تانية افرح يا اهلاوي " ربنا يخليك لينا يا اديب و بكرة هنفرحك

بس على كل الاحوال بهنئ كل الاهلاوية الي في الدولة

علي..... الي بجد بيفهم كورة و عارف ان الكورة بلن و ان الزمالك كان احسن و ان الماتش كان بتعنا وجية بعد الماتش قالي هارد لك

مانو.....دة بجد مش عارف كان بيتفرج على نفس المتش الي كل الناس اتفرجت علية ولا لا دة قال كلام عجيب اوي ميدلش غير انوا كان بيتفرج على ماتش تاني

عشري..... مكلمتوش و لا كلمني بس انا عارف رأيوا هيبقي زي راي مانو دة لو مكنش العن منو و على فكرة يا عشري انتا عليك عقوبة هنحديدها علشان بقالك اكتر من اسبوعين مجتش مقر الدولة ولا بتيجي الاجتماعات ولا اي حاجة

بكرة الديربي

غدا الديربي و حالة من القلق تنتابني شخصيا و تنتاب كل افراد الدولة

حوكشة و بيباري و كوكش غدا في استاد الكلية الحربية يساندون فريقهم المحبوب الزمالك

عمر في السعودية بس هيشوف المتش

مانو و علي و عشري الاهلاوية كل واحد هيتفرج في بتهم

كاستو مش هيتفرج اصلا

يا تري مين هييواسي مين بكرة و مين هيعيط و مين هيضحك ؟؟!؟!؟!

وحشتنا يا حامل اللواء

بعد 12 يوم من الغياب عنا يا حامل لواء دولتنا يا موري يا حبيب الدولة

رسالة حب و اشتياق لعمر موري اخونا

كلها 18 يوم يا موري و ترجعلنا تاني بعد اداء ماناسك العمرة و طبعا انا عارف انك بتنشور سياسية دولتنا في السعودية و بدعم العلاقات العصبوية السعودية

ربنا معاك و بقولك انتا في القلب يا موري و هتلاقي احتفال كبير في الشارع العصباوي اول ما ترجع لنا بالسلامة

الديربي!!!!! و كل يغني على ليلآة

الجمعة القادمة و لقاء الدربي المصري بين نادي الزمالك و نادي الاهلي

و لكن روح الدولة اكبر من ميولنا الكروية على الرغم من التعصب الشديد لبعض افراد الدولة لناديهم لكنى اقول للمغرضين و الذين يتوقعون انقسام في الدولة اقول لهم ..... حمرةةةةةةةةةة........ و منقرشة

واليكم الميول الكروية لكل فرد في الدولة

الزمالكوية:-

حوكشة......زملكاوي و اكثر شخص كروي في الدولة و معروف عنة تعصبة الشديد للزمالك بل انة صديق قوي لاكثر رابطة متعصبة للزمالك با هو عضو فيها

كريم كوكش.......زملكاوي و متعصب بس ربنا هدي الفترة دية شوية و منفض

لموضوعات الرابطة و الكلام دة

بيباري..........زملكاوي بس مش متعصب بس بيحب الزمالك جداااا وبحب اقولو بركاتاك معانا في الديربي يا بيب

موري........زملكاوي بالوراثة بس زملكاوي و بيحب الزمالك

الاهلاوية:-

مانو.......اهلاوي عضو في النادي الاهلي و دة يمكن اكتر واحد متعصب شوية للاهلي

علي.......اهلاوي من الاهلاوية الي بيفهموا في الكورة و المحترمين و الي بيحب الاهلي بس مش متعصب لية

عشري.......اهلاوي و من الشخصيات الي هيا ....... يلا ربنا يهدية و يعقلو شوية

المحايدين:-

كاستو......و لا زملكاوي و لا اهلاوي و مبيحبش الكورة اساسا

تفائل بعد يأس

النهاردة بعد الى حصل دة مش هعرف اقول أىى حاجى غير تبقى فى بؤك و تقسم لغيرك زى ما بيقولو هههه النهاردة كان ماتش الزمالك مع اسمنت السويس و بعد ما خسرنا اول شوط و بعد ما فات اول ربع ساعة من الشوط التانى و كل الجماهير قالت إن الكاس خلاص راح و مافيش ولا دورى ولا كاس ولا اى بطولة إذ فجأة الماتش يتقلب 180 درجة و الزمالك يلعب احلى نص ساعة فى حياتى ب10 لاعيبة بس و نفوز 4-1 مش هطول عليكو مبروووووووووك لكل زملكاوى و يبقى الزمالك عشقى الاول

النتيجة !!!!!!

بين الفرح و الغضب

ظهرت النتيجة و اليكم النتيجة بالتفصيل و الاسبقية للفاشلين

حوكشة شال 3 مواد بس فيهم مادا ممكن تترفع و دة فرح اوي علشان كان فاكر انو هيشيل 5 مواد

مانو بردة 3 مع اختلاف المواد و بردة مادا ممكن تترفع و دة عامل فيها زعلان و بتاع ال يعني بيحس

على 2 و الي يغظيك ان فيهم مادا ممكن تترفع معا انوا كان بيطلع بعد كل امتحان يقول محلتش

بيباري بقى دة نجم الساحات الشعبية شال مادا و هتترفع ودي حاجة متوقعة معا انو كان بيقول زي علي و كمان كان اعد اودامي في اللجنة

كوكش مادا بردة بس دة في مودرن من الناس الي بتنجح بفلوسها يعني

موري دة يا جماعة طلع صافي و شكلو هيطلع و ربنا يكرمو هوا بيعمل عمرة دلوقتي علشان نجح صافي

مبروووووووووووووووووووووووووووك افراد الدولة و فرح في الشارع العصباوي مع اختلاف الناس بين فرحان و غضبان و لكن الكل يطالب افراد الدولة بالاجتهاد لتحقيق النصر و الصعود للدور قبل النهائي في تصفيات الدراسة انها مزحة اضحكووو